25/05/2017

lès Bèljes walons au Wisconsin / the Belgian Walloons in Wisconsin

0WalonsauWisconsin1

 

 

PLAN

 

1 Histwêre / History

 

2 Jèyografîye / Geography

 

3 Langue / Language

 

4 Vikadje / Way of living

 

5 Loyins Wisconsin- Bèljike walone / Links Wisconsin - Walloon Belgium

 

0a31998checkWisconsin

00:28 Écrit par justitia & veritas dans Général | Lien permanent | Commentaires (0) |  Facebook |

1 Histwêre: lès Walons à Green Bay (Wisconsin)

0WalonsauWisconsin2

00:28 Écrit par justitia & veritas dans Général | Lien permanent | Commentaires (0) |  Facebook |

1 Histwêre: l' arivéye dès Walons au Wisconsin

Paquet Yves, L' abagadje dès Walons au Wisconsin, in : Li Chwès, 3, 2003

 

 

Li prumî batia bèlje arive à Detroit è 1800.

 

È 1838 arive à Green Bay, Wisconsin, li rèvèrend Fr. Florimond Bonduel. È 1850, deûs d' nos djins vikin.n  au Wisconsin : Alexander Alexis et Albert Nazelle. Li 5 di Julèt’ 1853, à New York, dîs familes bèljes abaguenut do batia qu' è-st-èvôye d' Antwerpen li 18 di maîy 1853 : François Petiniot, Jean Martin, Philippe Hannon, Joseph Moreau, Etienne Détienne, Adrian Masy, Martin Pâque, Jean Baptiste Détienne, Joseph Jossart, Lambert Bodart.

 

Deûs familes, Martin Pâque et Jean Martin quitenut l'groupe po Philadelphia, lès-ôtes ènnè vont po l’ Wisconsin èt s' mète dins l' cwane di Green Bay èwoù-ce qu' il achètenut on-arpent* po on dolâr èt 25 cents. Is lomenut leû viladje

"aux Premiers Belges ", qui d'vinrè par après Champion.

Leûs vijins sont lès-Indyins Potowatami què leû mostèrenut comint tchèssî, èfumyî l’ tchau, fé dè l' sirôpe. Il ont stî fwârt amichtauves èt sèrviauves.

 

Lès Bèljes ont scrît à leû famile po leû raconter comint-ce qui l’ Novia Monde èsteûve. Cès lètes-là ont-st-ènondé dès-ôtès familes à v’nu d’ Bèljike. C’ è-st-insi, qu' ètur 1854 èt 1858, 15.000 Bèljes ont tot vindu po v’nu do Nôrd dè l' province di Nameur èt do Sûd do Roman payis au Wisconsin èt s' mète ètur Green Bay èt Sturgeon Bay po-z-î fé 14 parotches.

 

Bran.mint d' zèls èstin.n cinsîs ou ovrîs : munusier, mârchau, travayeû do fiêr, cwamejî èt tchik èt tchak. Is causin.n tortos walon sins l' sawè scrîre. Gn-aveûve èto dès Flaminds qu' ont-st-arivés à Wrighstown, Rockland, Preble èt Humboldt.

 

Adon, l’ guêre civile a v’nu, èwoù-ce qui bran.mint dès Bèljes s' ont stî bate.

È 1871, ç’a stî l' grand feu à Peshtigo. Vêla,  tot l’ viladje a brûlé èt, l' min.me djoû,  l’ feu a pris à Chicago. Après l’ feu, lès Bèljes on r’bâti leûs maujones avou dès brikes è l' place do bwès. Min.me li Rwè d’ Bèljike à aîdi tot d'nant 5.000 dolârs di s' potche.

 

Après 1880, lès Flaminds ont v’nu d’ Heverlee, Blanden, Sint-Niklaas, Valbeek, Bierbeek po s' mète dins l' nôrd-èst do Wisconsin. D's-ôtès djins ont v’nu d’ l’ Eûrope po s' mète au Wisconsin : dès-Bohémyins èt dès Polonès.

 

Po r’trover lès Indyins di-d-vêlà, dj' a stî à Peshtigo èt passer pa li p’tit viladje dè l' nâcion ONEJDA, dès-Indyins dè l' famile dès-Irokwès qu' ont v’nu d’ New-York après l' guêre. Cès djins là disfindenut leû langue, li "Mohawk language " èt leûs-ûsances. Dj' a-st-apris à dîre : "She kù" bondjoû , "on'vki wah " à r’veûy, èt discouviè qu' is mètenut leû langue è scole, zèls, po sayî dè  l’ transmète. Dji m' dimande bin duvint-ce qu'on lès lome "lès sauvadjes ", mi, cès djins-là !

 

 

*On arpent : i faut 2 arpents èt d'méy po fé on-èctâre.

00:27 Écrit par justitia & veritas dans Général | Lien permanent | Commentaires (0) |  Facebook |